વિજ્ઞાન, સામાન્ય અને શારીરિક શિક્ષણ પ્રવાહની વિદ્યાર્થિનીઓના સામાજિક મનોવલણનો તુલનાત્મક અભ્યાસ

Abstract

આ સંશોધન અભ્યાસનો હેતુ સૂક્ષ્મ જીવાણુ વિજ્ઞાન, સામાન્ય પ્રવાહ અને શારીરિક શિક્ષણ પ્રવાહની વિદ્યાર્થિનીઓના સામાજિક મનોવલણનો તુલનાત્મક અભ્યાસ કરવાનો છે. આ સંશોધન અભ્યાસમાં ગૂજરાત વિદ્યાપીઠ, અમદાવાદ, સંચાલિત ગ્રામસેવા કેન્દ્ર, સાદરા ખાતે ચાલતા સૂક્ષ્મ જીવાણુ વિજ્ઞાન, સમાજવિદ્યા અને શારીરિક શિક્ષણના પ્રવાહમાંથી દરેક પ્રવાહમાં અભ્યાસ કરતી 25-25-25 વિદ્યાર્થિનીઓને યાદચ્છ પદ્ધતિથી વિષયપાત્રો તરીકે પસંદ કરીને ડૉ. એ. એસ. પટેલ અને ડૉ. એલ. આર. યાજ્ઞિક રચિત પ્રશ્નાવલિ લાગુ પાડી. ત્રણેય જૂથોનાં વિષયપાત્રો દ્વારા મળેલા પ્રાપ્તાંકોના મધ્યકોની સાર્થકતા ચકાસવા “F" રેશિયો લાગુ પાડી 0.05 કક્ષાએ સાર્થકતા ચકાસતાં સૂક્ષ્મ જીવાણુ વિજ્ઞાન, સામાન્ય પ્રવાહ અને શારીરિક શિક્ષણ પ્રવાહમાં અભ્યાસ કરતી બહેનોના સામાજિક મનોવલણ જેવા મનોવૈજ્ઞાનિક પાસામાં કોઈ પણ પ્રકારનો સાર્થક તફાવત જોવા મળ્યો ન હતો.