સંશોધનની વિકાસરેખાઃ ગૂજરાત વિદ્યાપીઠના મહાશોધનિબંધનો અભ્યાસ

Abstract

ગૂજરાત વિદ્યાપીઠ ૧૯૨૦માં મહાત્મા ગાંધીજીના હસ્તે સ્થાપિત શૈક્ષણિક સંસ્થા છે. જે શિક્ષણની સાથે સામાજિક જીવન અને માનવ મૂલ્યોના સર્જનનો મુખ્ય હેતુ ધરાવે છે. અહીંયાં બાળમંદિરથી લઈને વિદ્યાવાચસ્પતિ સુધીના અભ્યાસક્રમોનો અભ્યાસ ચાલે છે. વિદ્યાવાચસ્પતિ અભ્યાસક્રમના ભાગરૂપે પ્રત્યેક વિદ્યાર્થીએ સંશોધન મહાનિબંધ તૈયાર કરવાનો હોય છે. ટૂંક સમયમાં ગૂજરાત વિદ્યાપીઠ ૧૦૦ વર્ષની યાત્રા પરિપૂર્ણ કરશે તેવા સમયે વિદ્યાવાચસ્પતિ અભ્યાસક્રમના ભાગરૂપે તૈયાર કરવામાં આવેલા મહાશોધનિબંધોનું પૃથક્કરણ કરવામાં આવેલ છે. પ્રસ્તુત સંશોધન પત્રમાં વિષય ક્ષેત્રનું યોગદાન, જાતિ આધારિત યોગદાન, સંશોધન ભાષા આધારિત યોગદાન, સમયગાળા આધારિત યોગદાન, અને માર્ગદર્શકોનું વ્યક્તિગત યોગદાન વગેરે બાબતોનું પૃથક્કરણ કરવામાં આવ્યું છે, જે આવનારા વર્ષોમાં ગૂજરાત વિદ્યાપીઠ દ્વારા વિદ્યાવાચસ્પતિ અભ્યાસક્રમમાં યોગ્ય નીતિ આયોજન અને માળખાગત વ્યવસ્થાપનમાં મદદરૂપ થઈ રહેશે તેવી આશા છે.